Prijavi problem

Советот го донесе планот за работа за подобрување на патната инфраструктура во 2019 година

Објавено на: 01.03.2019 - 15:21

Советот на Општина Илинден го донесе Планот за изградба, реконструкција, рехабилитација и санација на општински патишта и улици на подрачје на Општина Илинден за 2019 година. На својата 19-та редовна седница што се одржа во конференциската сала на Домот на култура „Илинден“, советниците со свои предлози активно учествуваа во носењето на овој работен план, подготвен согласно средбите со граѓаните и потребите на бизнис секторот, како и предлозите дадени од буџетските форуми.

Динамиката на извршување на Планот зависи од приливот на финансиски средства во Буџетот на Општината, како и обезбедените средства од домашни и странски финансиски институции. Согласно реалните потреби главните влезови и сообраќајници во Општината ќе бидат приоритети за работа, бидејќи преку нив се одвива најголема фрекфенција на сообраќај.

Дополнителен приоритет ќе имаат и улиците и патиштата кои се од голема важност за подобрувањето на квалитетот на живот на граѓаните на Општина Илинден, безбедноста на учесниците во сообраќајот, како и овозможување квалитетни услови за стопанисување на правните субјекти од подрачјето на Општината.

Носењето на овој план покажа дека реализацијата на проектот за изградба, санација, реконструкција и рехабилитација на локалните улици и патишта и подобрувањето на инфраструктурата во стопанските комплекси и локалните економски зони остануваат приоритети во работењето на Општина Илинден.

На истата седница советниците донесоа повеќе одлуки. Меѓу другото, беше донесена одлука за усвојување на кварталниот извештај за извршување на Буџетот на Општина Илинден за период од 01.01.2018 година до 31.12.2018 година. Беа усвоени и завршните сметки на Средно општинско стручно училиште „Илинден“ за 2018 година, завршните сметки на основните општински училишта „Гоце Делчев“ и „Браќа Миладиновци“, како и градинката „Гоце Делчев“. На седницата беше донесена Одлука за давање согласност на Извештајот за работата и резултатите од работењето на ЈКП „Илинден“ за период  од 01.01.2018 до 31.12.2018 година, како и Одлука за давање на согласност  на годишната сметка  на ЈКП „Илинден“ за   2018 година.

 

Остави коментар

Податоците од ова поле нема да бидат никаде јавно објавени.
  • Адресите на web страниците и e-mail адресите автоматски се претвораат во линкови.
  • Автоматско додавање на нов ред.
  • You may use [swf file="song.mp3"] to display Flash files inline

Повеќе информации во врска со опциите за форматирање

Image CAPTCHA
Внесете ги карактерите прикажани на сликата.

Следете не на...

Find Општина Илинден on TwitterFind Општина Илинден on FacebookFind Општина Илинден on YouTube

пребарување

Видео

Континуирано инвестираме во подобар и поквалитетен живот за сите во општина Илинден
ilinden.gov.mk © 2013