Предавање во употреба на Домот на култура во н.м. Дељадровци

Bо петок (30.12.2011 г.) во 12 часот, на свечен начин ќе биде предаден во употреба реконструираниот Дом на култура во населено место Дељадровци.

Реконструкцијата на овој дом на култура, со површина од 200 метри квадратни е дел од капиталниот проект на Општина Илинден “10 Домови на културата“, во рамките на кој, покрај изградбата на Домот на културата во нас. Илинден, досега се реконструирани и предадени во употреба домовите на културата во населените места Кадино, Мршевци, Бујковци, Бучинци и Текија.