Бесплатен безжичен интернет во Општина Илинден

Општина Илинден на својата територија ќе воспостави 12 “wi-fi “ зони во сите свои населени места, со слободен пристап на безжичен интернет. Овие зони, на кои граѓаните ќе можат да користат бесплатен интернет ќе бидат лоцирани во новите и реконструирани домови на културата во населените места што беа опфатени со капиталниот проект “10 Домови на културата“.

Со воспоставувањето на “wi-fi “ зоните на граѓаните ќе им се овозможи квалитетен пристап до повеќе информации, како и комуникација со локалната власт, при што по електронски пат ќе можат да се информираат за тековните активности на Општината, но и можност да ги пријават сите проблеми со кои се судираат во секојдневното живеење.