Prijavi problem

Предаден во употреба Домот на културата во населеното место Бучинци

Published on: 02.06.2011 - 09:08

Пред поголем број граѓани во населеното место Бучинци на свечен начин беше предаден во употреба реконструираниот Дом на културата. Санираниот и обновен Дом на културата во употреба го предадоа градоначалникот на Општина Илинден, Жика Стојановски и кандидатот за пратеник Владимир Ѓорчев.

Санацијата и реконструкцијата на овој дом, со површина од 100 метри квадратни, што чинеше 2 милиона денари, е дел од капиталниот проект на Општина Илинден, “10 Домови на културата“. Со овој проект, покрај изградбата на новиот Дом на културата во населеното место Илинден е опфатено и реконструирањето, санирањето и опремувањето на девет домови на културата во другите населени места.

Вкупната вредност на капиталниот проект “10 Домови на културата“ изнесува 45 милиони денари.

Домот на културата во Бучинци  беше во многу лоша, руинирана и неупотреблива состојба. Со реконструкцијата и предавањето во употреба на овој дом жителите на Бучинци добија простории каде што ќе можат меѓусебно да се дружат, да организираат разни манифестации, средби и состаноци. Домот на културата ќе можат да го користат месните заедници, здруженијата на пензионери, здруженијата на жени, на младинци, спортските друштва, односно сите граѓани што ќе имаат потреба за тоа.

 
 

Post new comment

The content of this field is kept private and will not be shown publicly.
  • Web page addresses and e-mail addresses turn into links automatically.
  • Lines and paragraphs break automatically.
  • You may use [swf file="song.mp3"] to display Flash files inline

More information about formatting options

Image CAPTCHA
Enter the characters shown in the image.

Find Us On...

Find Општина Илинден on TwitterFind Општина Илинден on FacebookFind Општина Илинден on YouTube

пребарување

Видео

Водици 2017 во Општина Илинден
ilinden.gov.mk © 2013