Настани
15.03.2019 |
Проект „Со зеленило против загадувањето“
На повеќе локации во Општина Илинден со засадување на садници и озеленување на просторот се реализира еколошкиот проект„Со зеленило против загадувањето“. Целта на овој проект е преку озеленување на јавните површини во урбаниот дел на Општината, односно покрај пешачко-велосипедските патеки, површини покрај општински улици и патишта, просторот околу домовите на култура, училишните дворови, локалните економски зони, просторот околу детската градинка, површини околу спортските терени и останати јавни површини, да се придонесе за подобрувањето на квалитетот на воздухот, унапредувањето на животната средина, како и подобрување на условите за живеење и квалитетот на живот во локалната заедница.
01.03.2019 |
Словенечкиот амбасадор Милан Јазбец во посета на Општина Илинден
Во работна посета на Општина Илинден престојуваше амбасадорот на Република Словенија во нашата земја, Милан Јазбец. За време на престојот во Општината тој оствари средба со градоначалникот Жика Стојановски, а беше реализирана и посета на локалните економски зони, како и Средното општинско стручно училиште „Илинден“.
01.03.2019 |
Советот го донесе планот за работа за подобрување на патната инфраструктура во 2019 година
Советот на Општина Илинден го донесе Планот за изградба, реконструкција, рехабилитација и санација на општински патишта и улици на подрачје на Општина Илинден за 2019 година. На својата 19-та редовна седница што се одржа во конференциската сала на Домот на култура „Илинден“, советниците со свои предлози активно учествуваа во носењето на овој работен план, подготвен согласно средбите со граѓаните и потребите на бизнис секторот, како и предлозите дадени од буџетските форуми.
21.01.2019 |
Среќникот што го фати Богојавленскиот крст во традиционална посета на Општината
Во Општина Илинден продолжува традицијата среќникот што го фати Богојавленскиот крст што свештениците од црквата „Свети Константин и Елена“ го положија во водите на езерото на хотелот Белви по повод Богојавление-Водици, да ја посети Општина Илинден.
11.01.2019 |
Компанијата “Шмиц каргобул“ донираше прочистувачи на воздух за градинката „Гоце Делчев“
Детската градинка „Гоце Делчев“ е опремена со нови 5 прочистувачи на воздух, донација од компанијата „Шмиц каргобул“. Со оваа донација покрај досегашните две, сега седум од вкупно 16 занимални во градинката се опремени со причистувачи за воздух.
22.12.2018 |
Предновогодишна приредба за учениците што ги посетуваат бесплатните курсеви во рамките на КЕЦ „Илинден“
Во Домот на култура „Илинден“ се одржа предновогодишна приредба за учениците што ги посетуваат бесплатните курсеви во рамките на Културно едукативниот центар „Илинден“, кои што Општина Илинден ги организира веќе 13 години. Со звуците на омилената музика во предновогодишен амбиент, со маскенбал со новогодишни мотиви и неизбежните новогодишни пакетчиња, учениците ја испратија страта 2018 година, посакувајќи си убави желби во новата 2019 година.
13.12.2018 |
Исчистени 42 километра од каналската мрежа
Реализацијата на проектите Чистење, нивелирање и одржување на отворените одводни канали, како и Изградба и подобрување на системот за зафаќање и одведување на атмосферските води остануваат еден од приоритетите во работењето на Општина Илинден. Од почетокот на годината досега машински и рачно на територија на Општина Илинден исчистени се главни, секундарни и терцијални отворени одводни канали во должина од 42.190 метри со што е исполнет и надминат Акциониот план за 2018 година, со кој се предвидуваше чистење, нивелирање и одржување на 42.000 метри од каналската мрежа.
07.12.2018 |
Патната и комуналната инфраструктура-приоритет на граѓаните на Општина Илинден
Патната и комуналната инфраструктура се главен приоритет за граѓаните на Општина Илинден. Ова произлезе од Буџетскиот форум што се одржа во Средното општинско стручно училиште „Илинден“ каде што граѓаните со своето партиципативно учество дадоа свој придонес во креирањето на Буџетот на Општина Илинден за 2019 година.
05.12.2018 |
Изложба на уметници од Општина Илинден во Домот на култура „Илинден“
Во галеријата на Домот на култура „Илинден”, во организација на Општина Илинден, отворена е третата по ред изложба на дела на уметниците од Општина Илинден. Оваа традиционална изложба што се организира по повод Новогодишните и Божикните празници, во присуство на голем број љубители на уметноста, ја отвори покровителот, градоначалникот на општина Илинден, Жика Стојановски.
Македонски
English
Deutsch
