Во организација на таеквондо клубот „Илинден“, во Спортската сала „Гоце Делчев” во Општина Илинден, се одржа државниот натпревар во таеквондо. Посакувајќи им добредојде и многу успех на спортистите, натпреварот официјално го отвори покровителот на настанот, градоначалниокот на Општина Илинден, Жика Стојановски.

Притоа, тој  ја истакна потребата од афирмацијата на спортот, афирмација на таеквондото кој е еден од спортовите што традиционално се негува во Општина Илинден.

На турнирот учествуваа  7 клубови од земјата (Илинден, Бутел,  Борец, Гоце Делчев, Тигри, Кобра и Корио) со над 160 учесници, кои се натпреваруваа во повеќе дисциплини и категории.

Присутните љубители на спортот во спортската сала „Гоце Делчев“ имаа можност да уживаат во многу квалитетни борби, а посебно беа воодушевени од настапот на најмладите категории на натпреварувачи, кои беа наградени со бурни аплаузи.

За најдобрите учесници на овој државен натпревар беа обезбедени соодветни награди и медали.