Prijavi problem

Размена на искуства во искористувањето на средства од ЕУ со хрватските општини

Објавено на: 03.10.2018 - 09:14

Делегација на Општина Илинден, предводена од градоначалникот Жика Стојановски ја посети збратимената Општина Решетари од Република Хрватска, со која во 2012 година беше потпишана Спогодба за меѓусебна соработка и пријателство. Општината Решетари се наоѓа во западниот дел на Бродско-посавската жупанија во непосредна близина на Нова Градишка. 

Целта на посетата беше размена на искуства во начините на подготовка, аплицирање и реализација на проекти со средства од фондовите на Европската Унија. Општина Решетари е трета општина во Република Хрватска по искористеност на средства од ЕУ. За таа цел делегацијата на Општина Илинден беше запознаена со реализацијата на проекти во областа на комуналната и патната инфраструктура, образованието, енергетската обнова на јавните установи, заштитата на животната средина, како и во други области кои што се финансирани со средства од Унијата.

Оваа посета претставуваше големо позитивно искуство за Општина Илинден, бидејќи областите и големината на проектите што се реализираат во Општина Решетари се во голема мерка слични со областите и потребите за реализација на проекти во Општина Илинден. Искуствата се во насока да се имплементираат проекти во Општина Илинден со цел обезбедување на одржлив локален, економски рамномерен развој и просперитетна иднина на своите жителите, поради што Општината веќе има подготвено и изработено техничка документација, проекти и апликации во вредност од 11 милиони евра.

Престојот во Хрватска, исто така, беше искористен и за присуство на 21-та Меѓународна поетска манифестација во Решетари. Во рамките на манифестацијата на градоначалникот Жика Стојановски му беше доделено признание за поддршка и соработка во областа на културата, имајќи предвид дека и Општина Илинден веќе 19 години успешно ја реализира Литературната манифестација „Илинден“, на која редовно учествуваат писатели и поети од Општина Решетари.

Посетата на хрватската општина е резултат на досегашната успешна соработка меѓу Општина Илинден и Општина Решатари кои со потпишувањето на спогодбата за меѓусебна соработка и пријателство предвидоа со заеднички проекти во областа на културата, туризмот, стопанството, знаменитостите, образованието и спортот да се унапредува стопанството и социјалниот развој во двете општини.

Поврзано: Načelnik općine Ilinden (Republika Makedonija) u posjetu Općini Rešetari

Следете не на...

Find Општина Илинден on TwitterFind Општина Илинден on FacebookFind Општина Илинден on YouTube

пребарување

Видео

Свечено одбележан Денот на општина Илинден "Илинден 2-ри Август“
ilinden.gov.mk © 2013